1963 ke election (Fiji)
1963 ke election, nawaa constitution ke niche karaa gais rahaa. Iske niche Legislative Council ke barrhae ke 27 member waala kar dewa gais rahaa, jisme 19 official member rahin 18 unoficial member rahin - chhe Goraa, chhe Kaiviti aur chhe Hindustani. Sanb jaati ke chaar member ke elect karaa gais aur dui ke Governor nominate karis rahaa.
Vote kare ke adhikaar
Ii election me khaali uu admii logan ke vote kare ke ijajat rahaa jon ki:
- British subject rahaa
- Umar me ekkis saal se jaada rahaa
- Jon ki Fiji me pichhle tiin saal me kamti se kamti, puura milae ke, 12 mahina talak rahaa.
- Jon ki ek saral sentence parrhe sakat rahaa aur aapan naam sign kare sakat rahaa, English bhasa me Goraa log ke khatir, Kaiviti bhasa me Kaiviti logan ke khatir aur English, Hindi, Urdu, Tamil, Telugu, Gurmukhi, Gujarati or Malayalam bhasa me Hindustani logan ke khatir.
Ii constitution me "European" aur "Indian" ke matlab uu logan rahaa jiske pitaji nai to koi purwaj Europe nai to India ke rahaa aur "Fijian" ke matlab uu logan rahaa jiske male purwaj Fiji ke native rahin, Rotuma ke chhorr ke. Ii election me aurat loagn, uu admii jon ki parrhe likhe nai sakat rahaa aur Rotuman, Pacific Islanders, Chinese aor Part-Chinese ke vote kare ke adhikar nai mila rahaa.
Ii election me Hindustani aur Gora civil servant ke vote kare ke adhikar nai dewa gais rahaa, election me kharraa hoe waala ke naam ke electoral roll me hoe ke chaahat rahaa. Ii kaaran se Ayodhya Prasad ii election me nai kharaa hoe paais kahe ki uu registration ke time Fiji se bahaar rahaa.
Constituencies
Hindustani
- Northern Indian Constituency - jisme Vanua Levu aur Northern Division ke sab island rahaa.
- Southern Indian Constituency -jisme Viti Levu ke east ke sab district aur Central aur Eastern Division ke sab island rahaa.
- Western Indian Constituency - jisme Viti Levu ke Lautoka, Nadi aur Nadroga district rahaa.
- North Viti Levu Indian Constituency - jisme Viti Levu ke Ba, Tavua aur Rakiraki district rahaa.
Kaiviti
- Northern Fijian Constituency - jisme Vanua Levu aur Northern Division ke sab island rahaa.
- Central Fijian Constituency -jisme Viti Levu ke east ke sab district aur Central Division ke sab island rahaa.
- Western Fijian Constituency - jisme Viti Levu ke Western Division ke sab district rahaa.
- Eastern Fijian Constituency - jisme Eastern Division ke sab island rahaa.
Gora
- Northern European Constituency - jisme Vanua Levu aur Northern Division ke sab island rahaa.
- Southern European Constituency -jisme Viti Levu ke east ke sab district aur Central aur Eastern Division ke sab island rahaa.
- Western European Constituency - jisme Viti Levu ke Western Division ke sab district rahaa.
- Suva European Constituency - jisme Suva City rahaa.
Voter ke registration
Ii election ke khatir Registrar General ke Supervisor of Elections banawa gais rahaa. Registration 1 July 1962 se lae ke 30 September 1962 talak rahaa. Sab constituncy ke registration:
| Constituency | Voter ke number |
|---|---|
| Northern Indian Constituency | 5,446 |
| Southern Indian Constituency | 11,997 |
| Western Viti Levu Indian Constituency | 10,681 |
| North Viti Levu Indian Constituency | 8,013 |
| Puura jorr ke Hindustani voters | 36,137 |
| Northern Fijian Constituency | 9,157 |
| Central Fijian Constituency | 17,546 |
| Western Fijian Constituency | 16,038 |
| Eastern Fijian Constituency | 10,194 |
| Puura jorr ke Kaiviti voters | 52,935 |
| Northern European Constituency | 876 |
| Southern European Constituency | 969 |
| Western European Constituency | 1,047 |
| Suva European Constituency | 1,634 |
| Puura jorr ke Gora voters | 4,526 |
| Jorr ke sab jaat ke voters | 93,598 |
Election ke result
Ii election me jaada cadidate log independent rahin, lekin Citizens Federation (jon ki baad me Federation Party ban gais rahaa) A. D. Patel, S. M. Koya aur James Madhavan ke karraa karis, jab ki Kisan Sangh, Deo Sharma, James Shankar Singh aur Harsih Chandra Kohli ke kharraa karis. Election 17 April 1963 and 4 May 1963 ke biich me bhais rahaa.
Southern Indian Constituency
C. P. Bidesi 1,174 Andrew Deoki 3,722 Ram Lochan Regan 1,220 Sahu Khan 498 K. B. Singh 2,778 Informal 223 Total 9,615 % voted 80.1%
North Viti Levu Indian Constituency
S. M. Koya 3,998 James Shankar Singh 3,480 Informal 50 Total 7,478 % voted 93.9%
Western Indian Constituency
A. D. Patel 6,244 Deo Sharma 3,346 M. Singh 72 Informal 92 Total 9,662 % voted 91.3%
Northern Indian Constituency
Harish Chandra Kohli 2,175 James Madhavan 2,753 Informal 76 Total 4,928 % voted 91.9%