B. M. Gyaneshwar

Badri Maharaj Gyaneshwar (8 May 1910 - 31 July 1959), jiske jaada kar ke B. M. Gyaneshwar ke naam se jaana jawat rahaa , Fiji ke ek wakiil aur Legislative Council ke member aur khel kuud, samaj sewa aur dharam me yogdaan diis rahaa.

Jawani ke din

Gyaneshwar ke janam, Wairuku, Rakiraki me bhais rahaa. Uske pitaji, Badri Maharaj, Fiji ke Legislative Council ke pahila Hindustani member rahaa. Gyaneshwar, uu larrkan me se ek rahaa jiske Arya Samaj India parrhe ke khatir bhejis rahaa. 1926 me uu Cawnpore ke DAV College me bharti bhais. 1928 me uu Dehradun DAV College me bharti bhais, jahaan pe uu, July 1934 me Allahabad University ke intermedite examination pass karis. Uu college ke cricket team ke captain rahaa aur tennis champion bhi rahaa.

Cricket ke khilaarri

October 1934 me uu University College of Wales me aapan wakiili ke parrhai suruu karis. Ii time uu Welsh minor county cricket Ceredingshire ke captain banaa, jahaan pe uu University team ke batsman aur bowler bhi rahaa. 1938 me jab uu England ke University of Aberystwyth me parhat rahaa tab uu achchhaa cricket ke khilaari rahaa. Uu University team ke opening batsman rahaa aur Welsh minor county cricket team Denbeighshire aur Cardiganshire me khelis rahaa.

Legislative Council ke member

Uu Labasa me wakiili karat rahaa aur 1944 me yahii jagha se Eastern Indian Constituency se chuna gais rahaa. Jab uu Fiji ke Legislative Council ke member rahaa tab uu 1946 me “Deed Of Cession” debate me hissa liis rahaa aur ii batais ki Deed of Cession se Fiji ke British Raj ke dewa gais rahaa, Fiji ke local gora logan ke nai. Uu khel kuud me hissa lewat rahaa, jisme tennis, cricket, fishing aur bush walking rahaa. Uu dher civic organisations aur projects ke madat diis raha. Uu Labasa Township Board ke Vice Chairman bhi rahaa. Uu Labasa ke ek jaana maana citizen rahaa aur uske maut ek lamba bemaari ke kaaran 49 saal ke umar me bhais rahaa.

References

• The Willow and Palm: an exploration of the role of cricket in Fiji
• Glamorgan Cricket Official Website
• Badri Gyaneshwar
• Represented communities: Fiji and world decolonization
• [1]

Template:Fiji-ke-hindustani-stub Template:FIJIKEHINDUSTANIPOLITICIAN29-72 Template:BD