Inter-District Championship (Fiji) 1938

Template:Infobox International Football Competition

Fiji me football (soccer) ke pahila Inter-district Championship (IDC), Fiji Indian Football Association suruu hoe ke ek din baad, 9 October aur 10 October 1938 ke Suva ke Albert Park me khela gais rahaa. Ii championship me paanch team: Suva, Rewa, Lautoka, Ba aur Levuka khele rahin.

Pahila round

file:TahirAli.jpg

Rewa ke Tahir Ali

Pahila game Ba aur Lautoka ke biich me khela gais. Lautoka pahila dui goal banais, lekin Ba ke "maro aur daurro" ke style, Lautoka ke set style ke upset kar diis aur Ba ii rakam se chaar goal banais. Lautoka ke kharab defence bhi uu logan ke haare ke ek kaaran rahaa. Akhri goal rahaa Ba - 4 aur Lautoka - 3.

Semi final

file:AlbertPark.jpg

Suva ke Albert Park

Pahila semi-final Suva aur Rewa ke biich me khela gais. Rewa pahila dui goal banais lekin Suva iske baad dui goal banae ke full time talak game ke barabar kar diis. Extra time me Rewa 3 - 2 se jiit gais.

Duusra semi-final Ba aur Levuka ke biich me khela gais. Ii game ke Ba muskil se 3 -2 se jiit liis.

Final

Final me, Ba aapan team me Dr Eapon, jon ki Europe me soccer khelis rahaa, ke khelais. Ba achchha khelis lekin aakhir me Rewa 3 - 2 se Lloyd Farebrother Trophy ke pahila jiite waala team banaa. Rewa khatir goal banae waala rahis S. Singh, jon ki Rewa ke tiino goal banais aur Ba khatir goal banae waala rahin Shakur aur Dr Eapon

References

• The Rec.Sport.Soccer Statistics Foundation
• Mohit Prasad, Sixty Years of Soccer in Fiji: 1938 - 1998, Fiji Football Association, Suva, 1998

---