James Ramchandar Rao
Template:Infobox Person James Ranchandar Rao (jiske James Ramchandar Maharaj ke naam se bhi jaana jaat rahaa [1]), October 1929 me Fiji ke Legislative Council me chuna jaae waala tiin Hindustani me se ek rahaa. Aur dui rahin Vishnu Deo aur Parmanand Singh. Ii election me khali uu Hindustani vote kare sakat rahaa jon ki parrhe likhe sakat rahaa aur jiske lake jamin nai to bandha kaam rahaa. Iske kaaran 75,000 Hindustani me se khali 1404 election khatir register bahin rahaa. Eastern Indian Division, jiske khatir Rao karra bhais rahaa aur jisme Vanua Levu, Lau aur Lomaiviti Islands rahaa, me khali 101 voters registered bhais rahaa. Rao aapan opponent, Khalil Sahim ke 63 - 20 votes se harais.[2]
Dui hafta baad, Rao aapan duuno aur Hindustani member ke saathe Council se resign kar diis jab uu logan ke prastao ki, Fiji me Hindustani logan ke common roll de ke barabri ke adhikaar dewa jaae, ke sarkaar inkaar kar diis.
Rao Fiji me picture theatre suruu kare waala ek pahila admii rahaa jon ki Levuka, Ovalau me ek theatre chalat rahaa.[3]
Uske larrka, Navin Maharaj, Suva City Council ke lord mayor aur Fiji ke House of Representatives ke member rahaa. [4]
References
- ↑ Ali, Ahmed (1980), Plantation to politics, Fiji: University of the South Pacific, p.115
- ↑ http://www.webcitation.org/query?id=1256447641164316&url=au.geocities.com/girmitya/FijiElections/1929/EastDiv.htm Fiji Legislative Council Elections, Eastern Division, 1929 - 1959
- ↑ Sharma, Guru Dayal, Memories of Fiji: 1887 - 1987, Guru Dayal Sharma, Suva, 1987, pages 96
- ↑ Howard, Michael, Fiji: Race and politics in an island state, Vancouver: UBC Press, 1991, ISBN 0-7748-0368-1
Template:FIJIKEHINDUSTANIPOLITICIAN29-72 Template:Fiji-ke-hindustani-stub