Accra
Accra, Ghana ke capital city hae. Iske population lagbhag 2,439,000 (2018) log hae. Ii Ghana ke sab se barraa city hae. Ii des ke administrative, communication aur economic center hae. Accra ke khaas economic dhanda me hae financial aur government services, communications, construction, transportation aur agriculture (jaada kar ke fishing).
Accra ke itihaas
Accra ke Ga log 1600s me suruu kare rahin. Accra sabd Nkran se aawe hae jiske matlab chunti hae. Iske kaaran ii hae ki Accra ke lage dher anthills hae. Itihaas me Accra, Portuguese log ke ek khaas trading post rahaa. Portuguese log town me ek fort banae rahin. 17th century me dher des Accra me fort banae rahin, jisme Sweden, the Netherlands, France, the United Kingdom aur Denmark rahin.
1877 me, duusra Anglo-Asante War ke baad me, Accra, Cape Coastke jagah pe British Gold Coast colony ke capital banaa. Ek railroad jon ki Accra ke bhittar jagha ke mines aur farms ke jorre ke kaaran, Accra, Ghana ke economic center banaa. 1862 aur 1939 me earthquake ke kaaran city me ke jaada jagha barbaad hoe gais rahaa lekin ii city ke fir se ek seaport aur baad me brewery ke lage banawa gais rahaa.
1948 me Accra Riots ke baad Ghana ke log ajaadi ke khatir larre lagin aur 1957 me ii des ajaad hoe gais.
Abhi, Accra, African continent ke sab se dhani city me se ek hae. i
