Chinese bhasa
Template:Infobox language Chinese bhasa, ek bhasa hae jisme China, aur duusra des jhaan pe China log basin hae, me baat karaa jaae hae. Ii Sino-Tibetan family of languages ke ek bhasa hae.
Duuno likha aur bola jaae waala bhasa ke Chinese bola jaae hae. Chinese bhasa special hae kahe ki, jab ki China me dher bhasa hae, sab ke ek rakam se likha jaae hae. Tab China ke sab log ek dusre se ii bhasa ke likh ke communicate kare sake hae.
Dunia ke one-sixth log, nai to 1 billion log, ke Chinese mother tongue hae. Saat bhasa Chinese script use kare hae. Jaada kar ke jab log Chinese language ke baare me baat kare hae tab uu logan Mandarin language mean kare hae. Aurr Chinese bhasa hae, jaise ki Wu aur Cantonese.
Chinese me China ke Han people aur uu logan jon k apne ke Chinese maane hae, baat kare hae. Chinese lagbahg puura Chinese characters me likha jaae hae jon ki symbols use kare hae jiske logogram bolaa jaae hae. Chinese characters, 5000 saal se use karaa jaae hae. Aaj kal Mandarin language, Hanyu pinyin ke use kar ke Roman letters le awaaj ke represent kare hae.
Sab Chinese bhasa (or dialects) tones use kare hae, jiske matlab ii hae ki ii pitch sound ke use kar ke ek syllable se duusra ke separate kare hae.
Standard Chaina bhasa aur uske saathe duusra bhasa
Putonghua/Guoyu, jiske jaada ar ke "Mandarin" bola jaae hae, People's Republic of China, Republic of China (Taiwan), aur Singapore (jahan pe iske "Huayu" bola jaawe hae) ke official bhasa hae. Ii Beijing ke dialect pe based hae, jon ki Mandarin ke uu dialect hae jiske Beijing me bola jaawe hae. Sarkar ii maange hae ki sab koi baat chit kare ke khati ekke bhasa ke kaam me laawe. Ii kaarn se ii bhasa ke government agencies, media, aur school me parrhae ke khatir kaam me lawa jaawe hae.
China aur Taiwan me diglossia ek common feature hae: China ke log jaada kar ke dui nai to tiin bhasa nai to dialect ke saaathe, Standard Chinese me bhi baat kare hae. Jaise ki, Shanghai ke log putonghua ke saathe Shanghainese me bhi baat kare hae, lekin agar uu logan huan pe paida nai bhain hae tab uu logan aapan matr bhasa me bhi baat karinye. Guangzhou ke log Cantonese aur putonghua me baat kare hae, Taiwan ke log duuno Taiwanese aur putonghua/guoyu me. Hong Kong ke log Mandarin ke saathe English aur Cantonese me bhi baat karat haoe sake hae.
Chinese bhasa me ginti
| Number Chinese me | Number Fiji Hindi me |
|---|---|
| eeee | ek |
| arr | dui |
| sahn | tiin |
| ssuh | chaar |
| woo | paanch |
| liou | chhe |
| chi | saat |
| bah | aath |
| jeou | nau |
| sher | das |
Hafta ke din
| Fiji Hindi | Chinese |
|---|---|
| Sombaar | xīng qī yī |
| Mangar | xīng qī èr |
| Budh | xīng qī sān |
| Bif | xīng qī sì |
| Suk | xīng qī wǔ |
| Sanichar | xīng qī liù |
| Etwaar | xīng qī tiān or xīng qī rì |
Kuchh kaam me laae jaae waala Chian sabd aur phrase
| Fiji Hindi | English | Chaina bhasa |
|---|---|---|
| kaise | hello | knee how |
| Tum kahan se aaya hae? | Where are you from? | Knee tzaun nar lee lei |
| Tumaar naam konchi hae? | What is your name? | neen gway shing |
| Fir mile khoi | Good Bye | zi gee'en |
| han | yes | shr |
| nai | no | boo shr |
| dhanbaad | thank you | sheh sheh |
| Maaf karna | Excuse me | dway boo chee |
References
Other websites
- I Love Chinese Learning Chinese Magazine
- Learn Chinese Free Chinese Learning Lessons and mp3
- Free Chinese Character Input Software Google Pinyin Input Software
- Chinese Pinyin a brief introduction to standard Chinese phonetic system