Kabara
Kabara (Pronounced:kambara), Fiji ke ek island hae, jahan pe ii Lau Group me hae. Iske jamiin ke area khaali 31 km² (12.0 sq mi) hae aur iske population 700 hae jahaan ke log chaar gaon me rahe hae.
Ii island ke log ke achchhaa wood carving khatir jaana jaae hae. Iske khatir uu logan vesi ke lakarri ke use kare hae jon ki island me hoe hae lekin deforestation ke kaaran abhi khaali island ke 8% me ii perr hoe hae. Abhi vesi ke perr boe ke kosis karaa jaae hae lekin kahe ki ii barraa hoe me 70-80 saal lagae hae, carvers ke vesi ke jagha duusra lakrri use kare ke encourage karaa jaae hae jaise ki yasi Sandalwood jon ki barraa hoe me 30–40 years lagae hae.
World Wide Fund for Nature ii island ke paani ke tank daan me diis hae ki ii island me paani ke kamii ke khalaas karaa jaae.
Ii island ke ek jaane maane wood carver hae Jone Lupe, jiske palwaar wood carving me kuch generations se hae.