Noor Dean

Template:Infobox Person Noor Dean (janam: 1946) Fiji ke ek Hindustani wakiil aur politician rahaa, jon ki Suva City Council aur Fiji ke House of Representatives ke member rahaa.

Uske janam Suva, Fiji me 1946 me bhais rahaa. Uu ek barraa jan ke palwaar me sab se barraa larrka rahaa. Uske abba, Rahmat Dean rahaa, jon ki Suva ke Toorak Mosque ke design karis rahaa. Dean, Fiji Muslim League ke aapan yogdaan diis hae aur uu ek master aur Principal bhi rahaa. Uu aapan wakiili ke parrhae Grays Inn, London me karis rahaa. Uu United Kingdom aur Fiji ke Bar ke member hae. Uu 1972 se Suva City Council me National Federation Party (NFP) ke taraf se elect bhaes rahaa aur 1982 se 1983 talak Suva City ke Lord Mayor bhi rahaa. Dean, NFP ke Branch Secretary, Youth Leader, National Organising Secretary aur National Vice-President rahaa. Uu ek Trade Unionist bhi rahaa aur uu Fiji Teachers Union ke Assistant General Secretary bhi rahaa.

1987 ke election khatir NFP-Labour Coalition uske Labasa/Bua Indian Communal Constituency ke khatir aapan candidate chunis aur uu ii election ke sahaj se jiit gais. Uske Deputy Speaker banawa gais rahaa lekin Prliament ke member khaali ek mahina talak rahaa jab ki 1987 Fijian coups d'état uske political career ke khatam kar diis. 14 May 1987 me uu Bavadra sarkar ke 28 memeber me se ek rahaa jiske Rabuka hostage le liis rahaa.

Uske lage paanch larrkan hae aur uu abhi Victoria, Australia me rahe hae. Uu abhi Islamic Council of Victoria (ICV) ke Vice President hae aur Australian Islamic Foundation Inc. ke founding member. 1989 se uu Fiji Islamic Society me Vice President, Secretary aur President rahaa. Dean ke International Congress for Fiji Indians (ICFI) ke Vice-President, 2005-2007 khatir chuna gais rahaa.

Abhi uu Victoria, Australia ke Buxton and Associates law firm ke ek patner hae.