Football, Fiji me uu time se khela jaawe hai jab se gora logan hian pe aain aur Levuka ke rakam town banain jahan pe dher log mil ke game ke khele sakat rahin. Missionaries logan, jon ki Fiji me school banain bhi larrkan log ke football khele sikhain aur 1889 me Fiji ke school me football khela jaawat rahaa. 1905 me Suva Soccer Football Club ke suruu karaa gais, jisme Government aur business me kaam kare waala goraa log khelat rahin. Nausori ar Levuka me me bhi ii rakam ke club rahaa. 1910 me ek Suva ke team, Nausori ke team se football ke match khelis rahaa. Fiji aae waala jahaaj ke crew Fiji ke team se friendly game khelat rahin. 1910 me ek Suva ke team HMS Powerful me se ek team se khelis aur 3 - 1 se jiit gais. 1914 me ek Suva ke team HMS Torch ke team se Albert Park me khelis aur 2-0 se jiit liis. (aur...)
|