Rishi Shankar
Rishi Shankar (janam:1934 - 5 September 2015), Fiji ke ek Hindustani lawyer hae jon ki Fiji ke House of Representatives ke member rahaa.
Uske janam Vitogo, Lautoka, Fiji me bhaes rahaa aur uu 1953 se 1965 talak police rahaa. Iske baad uu Victoria University of Wellington, New Zealand me wakiili parrhis. parrhe ke baad uu Fiji laut ke fir se Police ke join kar liis, lekin 1974 me uu Director of Public Prosecutions me kaam kare lagaa. 1976 me uu sarkari naukri ke chhorr ke aapan practice Ba me suruu karis.
Uu 1982 se 1985 talak Nadi Town Councillor bhi rahaa.
1987 ke election me uske NFP-Labour Coalition, Nadi Indian Communal Constituency khatir chunis jiske uu easy se jit gais , lekin uu parliament me khaali ek mahina talak rahaa jab ki military coup of 1987 uske political career ke haali khalaas kar diis.[1] Uu, dui me se ek , Parliament ke member rahaa jiske coup ke time prisoner nai banawa gais rahaa. Baad me uu New Zealand hissa gais rahaa.[2]
Uske maut Auckland, New Zealand me 5 September 2015 me bhais rahaa.