Satendra Nandan

Template:Infobox Person Satendra Nandan (janam: 1940), Fiji ke ek sikchhak, lekhak hae aur 1982 se lae ke 1987 talak ek politician rahaa.

Nandan ke janam Nadi me bhais rahaa. Uu aapan secondary ke parrhai khalaas kare ke baad, Delhi jaaae ke parrhis. Iske baad uu Leeds, London aur Canberra me bhi parrhis jahan se uske PhD milaa. Kuchh din talak India aur Fiji ke school me parrhae ke baad uu 1969 me University of the South Pacific me parrhae ke suruu karis.

1982 ke election me uu National Federation Party ke ticket pe Fiji ke House of Representatives me chuna gais. 1986 me uu Fiji Labour Party ke join kar liis. 1987 ke election jiite ke baad uu Timoci Bavadra ke Labour Sarkar me Minister for Health and Social Welfare banaa lekin ek mahina ke baad sarkar ke Sitiveni Rabuka hatae diis.

Coup ke baad Nandan Australia chalaa gais aur Australian National University me parrhae lagaa, jahan pe uu abhi Professor of Literature and Director of the Centre of Writing hae.

Uu University of Fiji ke bhi aapan sahayog diis hae jahan pe uu Professor of Humanities and Arts banaa.