Sathi Narain

Template:Infobox Person Sir Sathi Narain (1919 - 19 October 1989), Fiji ke ek Hindustani businessman aur politician rahaa. Uu aapan mahinat se Fiji ke ek sab se barraa company, Narain Construction, banais, jiske haanth Fiji ke kuchh barraa building banaae me rahaa. 1956 me uu Suva City Council ke election jiit ke ek Councillor banaa. 1959 me Governor uske Legislative Council ek nominated Indian member banais rahaa. Uu Suva ke Union Club ke member rahaa, jahaan pe uske Tui Koro (kahe ke uu aapan bachpan Koro Island me bitais rahaa) ke naam se jaana jaawat rahaa. Uu Savusavu me ek school, Khemendra Bhartiya School ke banais rahaa aur ek park khatir bhi jamiin diis rahaa. 1970 me, Fiji ke ajaadi ke time, Narain ke OBE (Order of British Empire) milaa aur 1980 me uske Knighthood milaa. 1986 me uu Brisbane, Australia me jaae ke rahe lagaa, jahan pe uske maut 1989 me bhais rahaa.