Swahili bhasa

Template:Infobox Language Swahili bhasa ek bhasa hae jiske East Africa bhar me log samjge hae. Swahili bhasa me iske naam Kiswahili hae. Ii ek Bantu bhasa hae.

Swahili bhasa ke ek barraa jagha, southern Somalia se lae ke northern Mozambique aur Kenya bhar me baat karaa jaawe hae. Jab ki khaali paanch million log ke ii pahila bhasa hae, fifty million log ke ii duusra bhasa hae. Swahili East Africa ke lingua franca hoe gais hae. Ii African Union ke ek official bhasa bhi hae.

Swahili bhasa me baat kare ke suruu Africa ke East Coast aur bagal ke island me bhais rahaa. Abhi Swahili Tanzania aur Kenya ke official bhasa. Ii bhasa pe Arbii bhasa ke jaada asar hae.

Vocabulary

Niche Swahili bhasa ke kuchh sabd hae.

• haan - ndiyo
• nai - hapana
• achchha - sawa

• ek - moja [mow'-jah]
• dui - mbili [uhm'-bee'-lee]
• tiin - tatu [tah'-too]
• chaar - nne [uhn'-nay]
• paanch - tano [tah'-no]
• chhe - sita [see'-tah]
• saat - saba [sah'-buh]
• aath - nane [nah'-nay]
• nau - tisa [tee'-suh]
• das - kumi [koo'-mee]

Hafta ke din

Fiji Hindi	Swahili
Sombaar	Jumatatu
Mangar	Jumanne
Budh	Jumatano
Bif	Alhamis
Suk	Ijumaa
Sanichar	Jumamosi
Etwaar	Jumapili

Duusra websites

• Kamusi Project Internet Living Swahili Dictionary