Turkish bhasa
Turkish (Türkçe) ek bhasa hae jisme Republic of Turkey, Cyprus, Bulgaria, Greece, aur pahile ke Ottoman Empire ke des, ke log baat kare hae. Europe me bhi kuchh million emigrants hae jon ki turkish me baat kare hae.
Turkish, Altaic language family ke ek Turkic bhasa hae. Turkish me vowel harmony hae, jaise ki Finnish aurHungarian me rahe hae. Turkish me word order hae: Subject Object Verb (SOV).
Turkish ke, 1000 AD se 1928 tak, Arabic Alphabet me lkha jawat rahaa . Ottoman Empire me, Turkish language ke ek rich literature rahaa, aur isme dher book likha gais rahaa. Lekin, Mustafa Kemal Atatürk iske badal ke Latin Alphabet kar diis kahe ki uu mangat rahaa ki uske des western des ke rakam hoe ke huan ke technologic improvements se faaeds uthaae. Iske kaaran dher Turkish log ii change se pahile likha ais book ke nai parrhe sake hae.
Ii bhasa duusra Turkic languages, jisme Uzbek, Turkmen, aur Kazakh hae, se ralated hae. Kuchh ii biswas kare hae ki Turkish Altaic family of languages ke hae, jisme Japanese, Mongolian, aur Korean hae.
Turkish bhasa me ginti
| Number Turkish me | Number Fiji Hindi me |
|---|---|
| bir | ek |
| iki | dui |
| üç (üch) | tiin |
| dört | chaar |
| beş (besh) | paanch |
| altı | chhe |
| yedi | saat |
| sekiz | aath |
| dokuz | nau |
| on | das |
Hafta ke din
| Fiji Hindi | Turkish |
|---|---|
| Sombaar | pazartesi |
| Mangar | salı |
| Budh | çarşamba (char-shamba) |
| Bif | perşembe (pershembe/urdu: panj-shamba) |
| Suk | cuma (jumaa) |
| Sanichar | cumartesi (jumartesi) |
| Etwaar | pazar |