Vietnam War
Vietnam ke Larrai 1959 se 1975 talak chalaa. Ii larrai North Vietnam aur South Vietnam ke biich me rahaa. North Vietnam ke USSR aur China support karat rahaa, jab ki South Vietnam ke United States, South Korea, Thailand, Australia, New Zealand, aur Philippines support karat rahaa. Ii larrai jon ki communists aur pro-American des ke biich me rahaa ke Cold War ke naam se jaana jaawat rahaa.
Larrai ke kaaran
World War II se pahile, Vietnam, French colony Indochina ke ek hissa rahaa. World War II ke time, Japanese Indochina ke occupy kar liis rahaa. Larrai ke baad jab French logan Vietnam ke fir se aapan niche kare ke kosis karis tab uske virod Vietminh karis. Vietminh 1941 me communist party suruu karis rahaa aur iske leader Hồ Chí Minh rahaa. July 1954 me France aur Vietminh Geneva Peace Accord sign karin jiske niche Vietminh North Vietnam ke sarkar banis aur anti-communist Vietnamese, jaada kar ke Catholics, "regrouped" South me, Bao Dai ke niche, jon ki pahile ke emperor rahaa ke niche sarkar banaa.